નિર્મિત પર્યાવરણના ભવિષ્યમાં મહિલાઓના નેતૃત્વ, નવીનતા અને ટકાઉ વિકાસને પ્રોત્સાહન
મહિલા એન્જિનિયર્સના નેતૃત્વ, ટેકનિકલ કૌશલ્ય અને નવીનતાને પ્રોત્સાહન આપતું વિશિષ્ટ મંચ એટલે શક્તિ 4.0’
અમદાવાદ, ગુજરાત | ૧૨ ઓક્ટોબર ૨૦૨૬ | ISHRAE અમદાવાદ ચેપ્ટર દ્વારા મહિલાઓના નેતૃત્વ, નવીનતા અને વ્યાવસાયિક શ્રેષ્ઠતાને પ્રોત્સાહન આપતા વિશેષ કાર્યક્રમ “SHAKTI 4.0 – Women in ISHRAE” નું આયોજન કરવામાં આવ્યું હતું.
આ કાર્યક્રમની થીમ “Innovating the Built Future: Leading Design, Industry and Sustainable Solutions” છે, જેનો મુખ્ય ઉદ્દેશ્ય HVACR, આર્કિટેક્ચર અને નિર્મિત પર્યાવરણ (Built Environment) ક્ષેત્રે મહિલાઓની ભાગીદારી, નેતૃત્વ અને નવીન વિચારોને પ્રોત્સાહન આપવાનો છે. આ કાર્યક્રમમાં ઉદ્યોગજગતના અગ્રણીઓ, આર્કિટેક્ટ્સ, એન્જિનિયર્સ, શિક્ષણવિદો અને યુવા વ્યાવસાયિકોને જ્ઞાનની આપ-લે તથા નવા વિચારોની ચર્ચા માટે એક સશક્ત મંચ મળ્યો.
વિશિષ્ટ મહાનુભાવો અને વક્તાઓ
આ કાર્યક્રમમાં મુખ્ય મહેમાન તરીકે શ્રીમતી વર્ષા દોશી, રાષ્ટ્રીય ઉપાધ્યક્ષ – BJP ઉપસ્થિત રહ્યા હતા.
અતિથિ વિશેષ તરીકે શ્રીમતી દીપાલી શાહ, સ્થાપક અને અધ્યક્ષ – શિવાલિક ઇન્સ્ટિટ્યૂટ ઑફ રિયલ એસ્ટેટ, તથા શ્રીમતી સ્નેહાબા પરમાર, એડવોકેટ અને પૂર્વ કાઉન્સિલર ઉપસ્થિત રહ્યા હતા.
મુખ્ય વક્તા તરીકે શ્રીમતી હિના શાહ, સ્થાપક અને મુખ્ય કાર્યકારી અધિકારી – International Centre for Entrepreneurship and Career Development (ICECD) પોતાના વિચારો રજૂ કર્યા હતા.
કાર્યક્રમમાં આર્કિટેક્ચર, ઉદ્યોગ, શિક્ષણ, ડિઝાઇન અને ઉદ્યોગસાહસિકતાના ક્ષેત્રે કાર્યરત અગ્રણી મહિલાઓ દ્વારા વિશેષ વ્યાખ્યાનો અને પેનલ ચર્ચાઓનું આયોજન કરવામાં આવ્યું હતું. તેમાં શ્રીમતી અનુજા સાવંત, શ્રીમતી શીતલ તલાટી મહેતા, શ્રીમતી મેઘા ભટ્ટ, ડૉ. સ્વાતિ જૈન, શ્રીમતી નેહા મોદી, શ્રીમતી દેવલ સોપારકર, શ્રીમતી બિરલ શાહ અને શ્રીમતી મીના કાવિયાનો સમાવેશ થયો હતો.
આ ચર્ચાઓમાં વ્યાવસાયિક નેતૃત્વ, આધુનિક ટેક્નોલોજી, ટકાઉ ડિઝાઇન, ઉદ્યોગના નવા પ્રવાહો, ઉદ્યોગસાહસિકતા અને નિર્મિત પર્યાવરણના વિકાસમાં મહિલાઓના યોગદાન જેવા મહત્વપૂર્ણ વિષયો પર પ્રકાશ પાડવામાં આવ્યો હતો.
ISHRAE ISHRAE અમદાવાદ ચેપ્ટરની પહેલ
આ પ્રસંગે ISHRAE ISHRAE અમદાવાદ ચેપ્ટરના પ્રમુખ *શ્રી અમિત સંઘવી (સોસાયટી વર્ષ 2026–27)*એ જણાવ્યું કે HVACR અને નિર્મિત પર્યાવરણના ભવિષ્યને વધુ નવીન, કાર્યક્ષમ અને ટકાઉ બનાવવા માટે મહિલાઓને નેતૃત્વની તકો પૂરી પાડવી તથા તેમની ક્ષમતાઓને પ્રોત્સાહિત કરવી અત્યંત જરૂરી છે.
SHAKTI 4.0 એ મહિલાઓને તેમની પ્રતિભા પ્રદર્શિત કરવા, જ્ઞાન વધારવા, વ્યાવસાયિક નેટવર્ક મજબૂત બનાવવા અને ઉદ્યોગના વિકાસમાં સક્રિય યોગદાન આપવા માટેનું એક મહત્વપૂર્ણ પ્લેટફોર્મ છે.
આ કાર્યક્રમને FSAI, ASHRAE Western India Chapter સહિત વિવિધ વ્યાવસાયિક અને ઉદ્યોગલક્ષી સંસ્થાઓનો સહયોગ પ્રાપ્ત થયો છે.
આયોજન ટીમ
આ કાર્યક્રમનું આયોજન શ્રીમતી નિશા એ. નાયર (સોસાયટી ચેર – Women in ISHRAE), શ્રીમતી સિમ્પલ જૈન (ઝોનલ ચેર વેસ્ટ – Women in ISHRAE) અને શ્રીમતી ઉર્વી ગાંધી (Women Chair) ના માર્ગદર્શન હેઠળ કરવામાં આવ્યું છે.
આયોજન ટીમમાં શ્રીમતી મીતા પટેલ (SHAKTI Chair), ડૉ. પીણા ભટ્ટ (SHAKTI Co-Chair), શ્રીમતી દેવના વ્યાસ (SHAKTI Convenor) અને શ્રીમતી અવની પરીખ (SHAKTI Co-Convenor) મહત્વપૂર્ણ ભૂમિકા ભજવી રહ્યાં છે.
SHAKTI 4.0 દ્વારા ISHRAE અમદાવાદ ચેપ્ટરનો હેતુ મહિલાઓના નેતૃત્વને મજબૂત બનાવવાનો, ઉદ્યોગ અને શિક્ષણ વચ્ચે સહયોગ વધારવાનો તથા HVACR, આર્કિટેક્ચર અને નિર્મિત પર્યાવરણ ક્ષેત્રે નવીનતા અને ટકાઉ વિકાસને પ્રોત્સાહન આપવાનો છે.
બોક્સ : ISHRAEના અમદાવાદ ચેપ્ટર દ્વારા ‘વિમેન ઇન ISHRAE’ અંતર્ગત ‘શક્તિ 4.0’ નામના વિશેષ કાર્યક્રમમાં અતિથિ વિશેષ તરીકે શ્રીમતી વર્ષા દોષી નેશનલ વાઈસ પ્રેસિડેન્ટ બીજેપીએ આ કાર્યક્રમમાં હાજરી આપી જણાવ્યું હતું કે, મહિલા સશક્તિકરણ ને આગળ લઈ જવી હોય તો તેમને તેમનો સંપૂર્ણ અધિકાર મળવો જોઈએ. તેમણે કહ્યું કે, બહેનોની તમામ સ્કિલ ને વંદન કરું છું તેમણે ઉમેર્યું કે, મહિલા સશક્તિકરણ ની વાત આવે ત્યારે મહિલાની ભૂમિકા ભગવાને એવી તૈયાર કરી છે કે ઘરની મહિલાઓ ઘરનું તમામ ફાઈનાન્સ સંભાળે છે અને મેનેજ કરે છે. 33 % રિઝર્વેશન આજે મહિલાને મળ્યું છે. અને આપડે આગળ આવીને આપડી બેહનોને આગળ લાવવાની છે. બહેનો માટે ગુજરાતમાં સૌ પ્રથમ ITI થઈ અને છેલ્લા 10 વર્ષમાં 2 હજારથી પણ વધારે મહિલાઓ ITI કરીને બહાર નીકળી છે. ગુજરાત સરકારમાં મહિલા GIDC પણ બની અને ઘણી બધી મહિલાઓ તેમની ક્ષમતા મુજબ બહાર આવી તેનો મને ગૌરવ છે. જોકે આ બધું સહેલું નથી અને તેમા વાસ્તવિક પડકાર પણ વધારે હોય છે. આ કાર્યક્રમો ઊર્જા આપવાના કાર્યક્રમો છે. આ પ્રકારના કાર્યક્રમોમાં સહકાર આપી મહિલાઓને પ્રોત્સાહન આપવું ખૂબ જ જરૂરી છે. તેમણે એ પણ કહ્યું કે, નિંદનીય બાબતોથી મહિલાઓ દૂર રહેવું જોઇએ.
આ ઉપરાંત મુખ્ય અતિથિ તરીકે હાજર રહેલા શિવાલિક ઇન્સ્ટિટ્યૂટ ઑફ રિયલ એસ્ટેટના ફાઉન્ડર અને ચૅરમૅન શ્રીમતી દીપાલી સી શાહ એ જણાવ્યું હતું કે, મને ખૂબજ આનંદ છે કે, હવે રિયલ એસ્ટેટમાં પણ મહિલાનો વધારો થયો છે. ઈશરે અંગે વાત કરતા તેમણે જણાવ્યું હતું કે, ઘણી બધી કમ્યુનિટીને મદદ કરે છે. હું શિવાલીક અંગે વાત કરુ તો પહેલા શિવાલીકમાં 10 વર્ષ પહેલા એક કે બે મહિલાઓ જ કામ કરતી હતી અત્યારે 50 થી પણ વધારે મહિલાઓ અમારે ત્યા કામ કરે છે. મહિલાઓને દરેક કામમાં આગળ આવવુ જોઈએ અને હંમેશા કોઈ પણ જગ્યાએ કોન્ફીડન્સ રાખવો જોઈએ. હાલની કોઈપણ મહિલાએ નેક્સટ જનરેશનને આગળ લાવવા કામ કરવુ જોઈએ.
== સમાપ્ત ==