AI સંચાલિત વેલ્થ પ્લેટફોર્મ નાણાકીય મધ્યસ્થીઓ અને રોકાણકારોને વૈશ્વિક બજારોમાં સરળ પ્રવેશ સાથે માહિતીસભર રોકાણ નિર્ણયો લેવામાં સશક્ત બનાવે છે
મુંબઈ, ભારત | ૨૭મી જુલાઈ ૨૦૨૬ | ભારતનું પ્રથમ AI સંચાલિત ઓપન આર્કિટેક્ચર B2B2C મલ્ટી-એસેટ વેલ્થ માર્કેટપ્લેસ MIDASX એ આજે ભારતના પ્રથમ B2B2C આંતરરાષ્ટ્રીય ઇક્વિટી રોકાણ પ્લેટફોર્મના લોન્ચની જાહેરાત કરી છે. આ પ્લેટફોર્મ નાણાકીય સંસ્થાઓ, વેલ્થ મેનેજર્સ, બ્રોકર્સ અને રિટેલ રોકાણકારોને એકીકૃત ટેક્નોલોજી ઇકોસિસ્ટમ દ્વારા વિશ્વના અગ્રણી ઇક્વિટી બજારોમાં સરળ પ્રવેશ પ્રદાન કરે છે. સાથે જ AI સંચાલિત રિસર્ચ અને પોર્ટફોલિયો ઇન્ટેલિજન્સના આધારે વધુ માહિતીસભર અને યોગ્ય રોકાણ નિર્ણયો લેવામાં મદદ કરે છે.
સંપૂર્ણ ડિજિટલ ઇકોસિસ્ટમ તરીકે વિકસાવવામાં આવેલું આ પ્લેટફોર્મ આંતરરાષ્ટ્રીય રોકાણની સમગ્ર પ્રક્રિયાને સરળ બનાવે છે. ડિજિટલ એકાઉન્ટ ઓપનિંગ, નિયમનકારી પાલન, ફંડ રેમિટન્સ, ઓનલાઈન ટ્રાન્ઝેક્શન, રિયલ-ટાઈમ પોર્ટફોલિયો ટ્રેકિંગ અને કામગીરીના વિશ્લેષણ જેવી તમામ સુવિધાઓ એક જ વિશ્વસનીય અને નિયમનબદ્ધ પ્લેટફોર્મ પર ઉપલબ્ધ છે.
આ પ્રસંગે MIDASXના સહ-સ્થાપક આકાશ બંસલએ જણાવ્યું: “ભારતીય રોકાણકારો હવે માત્ર સ્થાનિક બજારો સુધી મર્યાદિત રહેવા માંગતા નથી, પરંતુ વૈશ્વિક સ્તરે સંપત્તિ સર્જનની તકોનો લાભ લેવા માંગે છે. પરંતુ આંતરરાષ્ટ્રીય રોકાણનો અર્થ માત્ર વૈશ્વિક શેરોમાં પ્રવેશ મેળવવો નથી. તે લાંબા ગાળાના નાણાકીય લક્ષ્યો, એસેટ એલોકેશન અને જોખમ વ્યવસ્થાપનના આધારે યોગ્ય રોકાણ નિર્ણયો લેવાનો વિષય છે. જેમ જેમ વૈશ્વિક રોકાણ મુખ્ય પ્રવાહનો ભાગ બની રહ્યું છે, તેમ તેમ માહિતીસભર રોકાણનું મહત્વ પણ વધુ વધી રહ્યું છે.
MIDASX દ્વારા અમે ભારતનું પ્રથમ B2B2C આંતરરાષ્ટ્રીય ઇક્વિટી પ્લેટફોર્મ રજૂ કરી રહ્યા છીએ, જે વૈશ્વિક બજારોમાં પ્રવેશને બુદ્ધિશાળી ટેક્નોલોજી સાથે જોડે છે. અમે નાણાકીય સંસ્થાઓ અને મધ્યસ્થીઓને એવા આધુનિક સાધનો પ્રદાન કરી રહ્યા છીએ, જેના દ્વારા તેઓ રોકાણકારોને વધુ સારા રોકાણ નિર્ણયો લેવા માટે માર્ગદર્શન આપી શકે. સાથે જ રોકાણકારોને વિશ્વસનીય અને એકીકૃત ઇકોસિસ્ટમ દ્વારા વૈશ્વિક રોકાણ તકો સુધી સરળ પ્રવેશ આપવામાં આવી રહ્યો છે. અમારું વિઝન ભારતમાં આગામી પેઢીના વેલ્થ ક્રિએશન માટે મજબૂત ટેક્નોલોજીકલ ઇન્ફ્રાસ્ટ્રક્ચર ઊભું કરવાનું છે.”
આ લોન્ચ એવા સમયે કરવામાં આવ્યો છે જ્યારે ભારતીય રોકાણકારો પોતાના રોકાણ પોર્ટફોલિયોમાં વૈવિધ્ય લાવવા માટે વધુ રસ દાખવી રહ્યા છે. હાલમાં ભારતમાં 22 કરોડથી વધુ ડીમેટ ખાતાઓ છે, જે દેશમાં ઝડપથી વધી રહેલા રિટેલ રોકાણકારોના આધારને દર્શાવે છે. બીજી તરફ, ભારતીય રિઝર્વ બેંક (RBI)ની લિબરલાઇઝ્ડ રેમિટન્સ સ્કીમ (LRS) હેઠળ વિદેશી રોકાણમાં સતત વધારો થઈ રહ્યો છે. નાણાકીય વર્ષ 2025-26 (FY26) દરમિયાન વિદેશી ઇક્વિટી અને ડેટમાં રોકાણ લગભગ 2.6 અબજ અમેરિકન ડોલર સુધી પહોંચ્યું, જે અગાઉના વર્ષની સરખામણીએ 56 ટકાનો વધારો દર્શાવે છે. આ આંકડા આંતરરાષ્ટ્રીય રોકાણ તકો પ્રત્યે વધતી માંગને ઉજાગર કરે છે.
જેમ જેમ વૈશ્વિક રોકાણ વેલ્થ ક્રિએશનનો મહત્વપૂર્ણ ભાગ બની રહ્યું છે, તેમ MIDASX ભારતમાં વેલ્થ મેનેજમેન્ટના ભવિષ્યને નવી દિશા આપનાર ટેક્નોલોજીકલ ઇન્ફ્રાસ્ટ્રક્ચરનું નિર્માણ કરી રહ્યું છે.
== સમાપ્ત ==