અમદાવાદ, ગુજરાત | ૨૯ સપ્ટેમ્બર ૨૦૨૬ | નવરાત્રીના પર્વને એક અલગ જ અંદાજમાં ઉજવવા માટે અમદાવાદના શીલજ ખાતે આ વર્ષે ‘8 આવર્સ’નું આયોજન કરવામાં આવી રહ્યું છે. ‘8 Hours of Uninterrupted Garba’ની થીમ સાથે યોજાનાર આ ગરબા મહોત્સવમાં સતત 8 કલાક સુધી ગરબાની રમઝટ જોવા મળશે.
આ આયોજનની ખાસ વાત એ છે કે માત્ર 16 વર્ષનો જયંત પોતાના પિતાના સહયોગ અને માર્ગદર્શનથી આ સમગ્ર આયોજન કરી રહ્યો છે. નાની ઉંમરે નવરાત્રી અને ગરબા પ્રત્યેના પ્રેમને એક મોટા આયોજનમાં રૂપ આપવાનો જયંતનો આ પ્રયાસ છે.
‘8 આવર્સ’નો મુખ્ય ઉદ્દેશ માત્ર ગરબા રમવાનો નહીં, પરંતુ સંગીત, ઉર્જા અને ગુજરાતની પરંપરાને સતત 8 કલાક સુધી એકસાથે જીવવાનો અનુભવ આપવાનો છે. પરંપરાગત ગરબાની સાથે દાંડિયા, ઢોલ-શહનાઈ અને ઉત્સવની વિશેષ સજાવટ સાથે અહીં નવરાત્રીનો સંપૂર્ણ માહોલ સર્જાશે.
આ આયોજનમાં શહેરના ગરબા રસિકો મોટી સંખ્યામાં જોડાય તેવી અપેક્ષા છે. શીલજ ખાતે યોજાનાર ‘8 આવર્સ’માં 8 કલાક સુધી નોન-સ્ટોપ ગરબાની રમઝટ સાથે યુવા પેઢી અને પરંપરાનો સુંદર સંગમ જોવા મળશે.
સ્થળ: શીલજ, અમદાવાદ
થીમ: 8 Hours of Uninterrupted Garba
== સમાપ્ત ==