ગુજરાત, અમદાવાદ ૨૪ જાન્યુઆરી ૨૦૨૫: અક્ષય કુમાર અને વીર પહાડિયા અભિનીત ફિલ્મ ‘સ્કાય ફોર્સ’ સિનેમાઘરોમાં રિલીઝ થઈ ગઈ છે.પ્રજાસત્તાક દિવસ નિમિત્તે રિલીઝ થયેલી આ ફિલ્મ વીર પહાડિયાની અભિનેતા તરીકેની પહેલી ફિલ્મ હતી. અભિનેતા આ ફિલ્મમાં ટી વિજયા ઉર્ફે ટોડીની ભૂમિકા ભજવતો જોવા મળે છે, જે સ્ક્વોડ્રન લીડર અજ્જમાદા બોપ્પાયા દેવૈયાથી પ્રેરિત છે. મહાવીર ચક્ર પ્રાપ્તકર્તા, દેવૈયાને ૧૯૬૫ના ભારત-પાકિસ્તાન યુદ્ધ દરમિયાન દુશ્મન જેટ સામેની તેમની બહાદુરી અને પ્રતિષ્ઠિત ડોગફાઇટ્સ માટે યાદ કરવામાં આવે છે. દેવૈયાના જીવનને પડદા પર સરળતાથી રજૂ કરનાર વીર પહાડિયાને ખૂબ પ્રશંસા મળી રહી છે.
એક વિવેચકે વીર પહાડિયાના અભિનયને ‘વિસ્ફોટક’ ગણાવ્યો, તો એક સોશિયલ મીડિયા યુઝરે કહ્યું કે પહાડિયાનું ડેબ્યૂ ‘કહો ના પ્યાર હૈ’માં ઋત્વિક રોશનની જેમ જ શાનદાર છે. પહાડિયાની ઓન-સ્ક્રીન હાજરી અને તેમના અભિનયએ તેમને બી-ટાઉન એટલે કે બોલિવૂડના નવા સ્ટાર તરીકે સ્થાપિત કર્યા છે. તાજેતરમાં, પહાડિયાએ કહ્યું કે સ્કાય ફોર્સ તેમના માટે કારકિર્દીની શરૂઆત કરતાં વધુ છે. તેમણે કહ્યું, “સ્કાય ફોર્સમાં કામ કરવાના અનુભવે મને સમય અનુસાર કાર્યક્ષમ અને સહકારી બનવાનું શીખવ્યું છે.”
‘સ્કાય ફોર્સ’માં પહાડિયાએ અક્ષય કુમાર સાથે સ્ક્રીન શેર કરી છે. પહાડિયાના અભિનયએ ફિલ્મ વિવેચકો અને દર્શકોને મંત્રમુગ્ધ કરી દીધા છે, અને તેની પ્રશંસા પણ થઈ રહી છે કારણ કે એક નવા અભિનેતા તરીકે પહાડિયાએ અનુભવી અભિનેતા અક્ષય કુમારની સામે પોતાનો શ્રેષ્ઠ અભિનય આપ્યો છે. એક સમીક્ષામાં તો એવું પણ કહેવામાં આવ્યું હતું કે, ‘આ ફિલ્મનું મુખ્ય પાત્ર અક્ષય કુમાર નહીં પણ વીર પહાડિયા હોવું જોઈએ.’ આ ફિલ્મમાં અક્ષય કુમાર અને વીર પહાડિયા ઉપરાંત સારા અલી ખાન અને નિમરત કૌર પણ છે. અભિષેક અનિલ કપૂર અને સંદીપ કેવલાની દ્વારા દિગ્દર્શિત, સ્કાય ફોર્સને ભારતીય વાયુસેનાના પુરુષો અને સ્ત્રીઓના હિંમત અને બલિદાનને સંપૂર્ણ શ્રદ્ધાંજલિ તરીકે ટેગ કરવામાં આવી રહી છે. આ ફિલ્મ તેના સ્ટારડમનો માર્ગ મોકળો કરશે.