મુખ્ય અંશ :
- આ IPO 6 જાન્યુઆરી, 2025 ના રોજ ખુલશે અને 8 જાન્યુઆરીએ બંધ થશે, જેમાં રૂ. 46 પ્રતિ શેરના ભાવે 22,05,000 શેર ઓફર કરવામાં આવશે
- કંપનીએ દરિયાઈ અને ઔદ્યોગિક ક્ષેત્રોમાં વૃદ્ધિ માટે રૂ. 10.14 કરોડનું લક્ષ્ય નક્કી કર્યું છે
- IPOમાં બિડિંગની કિંમત 46 રૂપિયા પ્રતિ શેર છે અને લોટ સાઈઝ 3000 શેર છે
કોલકાતા 06 જાન્યુઆરી 2025: ભારતમાં ઇન્સ્યુલેશન પ્રોડક્ટની અગ્રણી ઉત્પાદક અને કોન્ટ્રાક્ટર, ઇન્ડોબેલ ઇન્સ્યુલેશન્સ લિમિટેડે રૂ. 10.14 કરોડ એકત્રિત કરવા માટે તેના પ્રારંભિક જાહેર ઓફર (IPO) ની જાહેરાત કરી છે. આ IPO 6 જાન્યુઆરીએ સબ્સ્ક્રિપ્શન માટે ખુલશે અને 8 જાન્યુઆરીએ બંધ થશે.
કોલકાતામાં મુખ્ય મથક ધરાવતી આ કંપની રૂ. 10.14 કરોડ એકત્ર કરવા માટે રૂ. 46 પ્રતિ શેરના નિશ્ચિત ભાવે 22,05,000 ઇક્વિટી શેર જારી કરશે. કંપનીએ રિટેલ રોકાણકારો માટે 10,47,000 શેર અને બિન-રિટેલ રોકાણકારો માટે પણ એટલા જ શેર અનામત રાખ્યા છે. તેણે માર્કેટ મેકર ભાગ માટે 1,11,000 શેર અનામત રાખ્યા છે. રિટેલ રોકાણકારોએ ઓછામાં ઓછા 3,000 શેર માટે અરજી કરવી આવશ્યક છે.
કંપનીના IPO દસ્તાવેજો અનુસાર, આ ઇશ્યૂમાંથી મળેલી રકમનો ઉપયોગ વધારાના પ્લાન્ટ અને મશીનરી માટેના મૂડી ખર્ચ, કાર્યકારી મૂડીની જરૂરિયાતો અને સામાન્ય કોર્પોરેટ હેતુઓ માટે કરવામાં આવશે.
વિજય કુમાર બર્મન દ્વારા પ્રમોટ કરાયેલ, ઇન્ડોબેલ ઇન્સ્યુલેશન્સ કંપની, નોડ્યુલેટેડ/ગ્રેન્યુલેટેડ વુલ (ખનિજ અને સિરામિક ફાઇબર નોડ્યુલ્સ) અને પ્રિફેબ્રિકેશન થર્મલ ઇન્સ્યુલેશન જેકેટ્સ જેવા ઇન્સ્યુલેશન ઉત્પાદનોના ઉત્પાદક અને કોન્ટ્રાક્ટર છે. તેનો ઉપયોગ ઘરો, વાણિજ્યિક ઇમારતો અને ઔદ્યોગિક પ્લાન્ટ્સ સહિત વિવિધ એપ્લિકેશનોને ઇન્સ્યુલેટ કરવા માટે થાય છે.
ઇન્ડોબેલ ઇન્સ્યુલેશન્સ કંપની પાવર, મરીન અને ઔદ્યોગિક પ્લાન્ટ જેવા અનેક ક્ષેત્રોમાં સર્વિસ આપે છે. જે કન્સલ્ટન્સી, એન્જિનિયરિંગ, ફેબ્રિકેશન, મટિરિયલ સપ્લાય, ઇન્સ્ટોલેશન અને પ્રોજેક્ટ મેનેજમેન્ટ સહિત વ્યાપક ઇન્સ્યુલેશન સોલ્યુશન્સ પ્રદાન કરે છે. કંપનીની ઉત્પાદન સુવિધાઓ પશ્ચિમ બંગાળ અને મહારાષ્ટ્રમાં વ્યૂહાત્મક સ્થાનો પર આવેલી છે.
ગયા નાણાકીય વર્ષ દરમિયાન, કંપનીની કુલ આવકમાં મિનરલ ફાઇબર નોડ્યુલ્સ, સિરામિક ફાઇબર નોડ્યુલ્સ અને થર્મલ ઇન્સ્યુલેશન જેકેટ્સનું વેચાણ 51% થી વધુ હતું. કુલ આવકમાં નિકાસનો હિસ્સો 33.71% હતો, જે આંતરરાષ્ટ્રીય બજારોમાં તેની મજબૂત ઉપસ્થિતિ દર્શાવે છે.
ઈન્ડોબેલ ઇન્સ્યુલેશન્સે હાલમાં જ દરિયાઈ જહાજ ક્ષેત્ર માટે સરકારી ઈ-માર્કેટપ્લેસ (GeM) પોર્ટલ પર રૂ. 22 કરોડનું ટેન્ડર મેળવ્યું છે. કંપની આગામી 2-3 વર્ષમાં જહાજો અને સબમરીન માટે રૂ. 250-300 કરોડના મોટા ઓર્ડર મેળવવાની યોજના ધરાવે છે અને ઉલ્લેખનીય વૃદ્ધિ માટે તૈયાર છે.
ફિનશોર મેનેજમેન્ટ સર્વિસીસ લિમિટેડ આ ઇશ્યૂના લીડ મેનેજર છે.