અમદાવાદ ૯ જૂન ૨૦૨૫: ઈન્ડિયન ઓઈલ અલ્ટિમેટ ટેબલ ટેનિસ (યુટીટી) સિઝન-6માં સોમવારે ડેમ્પો ગોવા ચેલેન્જર્સે ટેબલમાં ટોચના સ્થાને પહોંચવાની તકનો લાભ ઉઠાવતા સ્ટેનલીઝ ચેન્નાઈ લાયન્સ વિરુદ્ધ 12-3ના અંતરથી જીત મેળવી હતી. જે લીગ ઈતિહાસમાં જીતનું સંયુક્ત સૌથી મોટું અંતર છે. ક્રિત્વિકા સિંહા રૉય એ ચીનની ફેન સિકીને સિંગલ્સ મેચમાં 2-1થી હરાવી શાનદાર જીત મેળવી હતી. ફેન સિકી યુટીટી સિઝન-6ની હરાજીમાં હાઈએસ્ટ વેલ્યૂડ ખેલાડી રહી હતી. ડેમ્પો ગોવા ચેલેન્જર્સે 44 પોઈન્ટ્સ સાથે ટોચનું સ્થાન મેળવ્યું, જ્યારે ચેન્નાઈ-જે હજુ પણ જીત મેળવી શક્યું નથી. તે પ્લેઓફ ઓફ સ્પૉટ 3 પોઈન્ટ્સથી ચૂકી ગયું ને તેની હવે કોઈ ટાઈ બાકી નથી.
ગોવા માટે કેપ્ટન હરમિત દેસાઈ એ શાનદાર પ્રદર્શન કરતા કિરિલ ગેરાસિમેન્કોને 3-0 (11-7, 11-7, 11-5)થી મહાત આપી હતી. જે પછી જેંગ જિયાને મહિલા સિંગલ્સમાં પોયમંતી બૈસિયાને 3-0 (11-6, 11-8, 11-10)થી હરાવી હતી. હરમિત અને જેગની જોડીએ કિરિલ ને પોઈમંતની જોડીને 2-1 (11-2, 10-11, 11-5)થી મહાત આપી હતી. વિટર ઈશીએ પાયસ જૈનને 2-1 (7-11, 11-9, 11-9)થી મહાત આપી હતી, જે પછી અંતિમ મેચમાં ક્રિત્વિકા એ ફેન સિકી સામેની રોમાંચક મેચમાં 2-1 (8-11, 11-9, 11-9)થી મહાત આપી ટીમની જીતને મજબૂત કરી હતી. હરમિતે શ્રેષ્ઠ ભારતીય અને જેંગ એ શ્રેષ્ઠ વિદેશી ખેલાડીનો એવોર્ડ જીત્યો, પાયસના ક્રોસ કોર્ટ ફોરહેન્ડ હિટને શૉટ ઓફ ધ ટાઈનો એવોર્ડ અપાયો.