- પ્લોગિંગ અભિયાનથી લઈને વૃક્ષારોપણના અભિયાનો સુધીબિસ્લેરીએ ઉત્તર ભારતના 6 રાજ્યો અને કેન્દ્રશાસિત પ્રદેશોમાં યોજાયેલા 15થી વધુ કાર્યક્રમોનામાધ્યમથી 3,500+ નાગરિકોને જોડ્યા
અમદાવાદ, ગુજરાત | ૦૫ જૂન ૨૦૨૬ | બિસ્લેરી ઇન્ટરનેશનલે સમગ્ર ઉત્તર ભારતમાં પાયાના સ્તરે આયોજિત વિવિધ પહેલની સીરીઝ દ્વારા વિશ્વ પર્યાવરણ દિવસ 2026ની ઉજવણી કરી હતી.પ્લાસ્ટિક વેસ્ટ મેનેજમેન્ટ માટેના તેના ‘બોટલ્સ ફોર ચેન્જ’ કાર્યક્રમ હેઠળ બિસ્લેરીએ પ્લાસ્ટિકના પ્રદૂષણને નાથવા માટેદિલ્હી, પંજાબ, ચંડીગઢ, ઉત્તર પ્રદેશ, ગુજરાત તથા રાજસ્થાનમાં વિવિધ સમુદાયો, સરકારી વિભાગો, સંરક્ષણ સંસ્થાપનો, શૈક્ષણિક સંસ્થાઓ તથા નાગરિક સમાજનાસંગઠનોને જોડ્યાં હતાં.
દિલ્હીમાં કોશાંબી ખાતે આવેલા ઇડીએમ મૉલમાં જાગૃતિ સેશન અને પેઇન્ટિંગ સ્પર્ધાનું આયોજન કરવામાં આવ્યું હતું.સલામ બાલક ટ્રસ્ટ દ્વારા સંચાલિત એનજીઓ રોઝ ઉડાન હૉમ ફોર ગર્લ્સે પણ દિલશાદ ગાર્ડનમાં પેઇન્ટિંગ સ્પર્ધાનું આયોજન કર્યું હતું. આ પ્રવૃત્તિઓમાં એકંદરે 320થી વધુ સહભાગીઓ જોડાયા હતા.
પંજાબના લુધિયાણામાં ડીસી ઑફિસ તથા 30થી વધુ સરકારી અને સંસ્થાગત ભાગીદારોના સહયોગથી મોટા પાયે પ્લોગિંગ અભિયાનનું આયોજન કરવામાં આવ્યું હતું, જેમાં 1,500થી વધુ નાગરિકોએ રસ્તાઓ પરથી પ્લાસ્ટિકના કચરાનેએકઠો કરીને તેનું વર્ગીકરણ કર્યું હતું.ચંડીગઢમાં સેક્ટર 19ડીના માર્કેટ વેલ્ફેર એસોસિયેશનના સહયોગથી બે દિવસીય પ્લાસ્ટિક કલેક્શન અભિયાનનું આયોજન કરવામાં આવ્યું હતું, જેમાં 100 રહીશો જોડાયા હતા.આ ઉપરાંત, બાબુ ધામ કોલોનીમાં યુવા સ્તંભના સહયોગથી જાગૃતિ લાવવાના ઉદ્દેશ્ય સાથે પેઇન્ટિંગ સ્પર્ધાનું આયોજન કરવામાં આવ્યું હતું, જેમાં 50 યુવા સહભાગીઓએ પ્લાસ્ટિકનાકચરાં અને તેની અસરો વિષય પર સર્જનાત્મક રીતે પોતાના વિચારો રજૂ કર્યા હતા.
લખનઉમાં બિસ્લેરીએ ઇન્દિરા ગાંધી પ્રતિષ્ઠાન ખાતે ઉત્તર પ્રદેશ સરકારના ડિરેક્ટોરેટ ઑફ એન્વાર્યમેન્ટ એન્ડ ક્લાઇમેટ ચેન્જ દ્વારા આયોજિત પર્યાવરણ વિષય પરની રાજ્ય કક્ષાની વર્કશૉપમાં એક્ઝિબિશન સ્ટોલ ઊભો કર્યો હતો. બિસ્લેરીના આ સ્ટોલમાં રીસાઇકલ કરવામાં આવેલા વિવિધ પ્રકારના પ્લાસ્ટિકમાંથી બનાવવામાં આવેલી પ્રોડક્ટ્સને પ્રદર્શિત કરીને રીસાઇકલિંગના મહત્વ પર પ્રકાશ પાડવામાં આવ્યો હતો.ટીમેજાગૃતિ લાવવાના ઉદ્દેશ્ય સાથે કૉમિક બૂક્સ અને રીસૉર્સ કિટ્સનું પણ વિતરણ કર્યુ હતું.કચરાના વર્ગીકરણના મહત્વને વધુ અસરકારક રીતે સમજાવવા માટે ટીમ દ્વારા મુલાકાતીઓ માટે વર્ગીકરણ આધારિત એક ઇન્ટરેક્ટિવ ગેમનું પણ આયોજન કરવામાં આવ્યું હતું. આ કાર્યક્રમમાં અંદાજે 800 અધિકારીઓ અને નીતિ ઘડનારા અગ્રણીઓએ ભાગ લીધો હતો.આ વિસ્તારના કુદરતી જળાશયો અને હરિયાળી ધરાવતા વિસ્તારોના સંરક્ષણ પ્રત્યેની બિસ્લેરીની કટિબદ્ધતાને વધુ મજબૂત બનાવવા ગોમતી ટાસ્ક ફૉર્સના સહયોગથી પર્યાવરણીય દૃષ્ટિએ સંવેદનશીલ એવા એકાના વેટલેન્ડ ખાતે સ્વચ્છતા અભિયાનનું આયોજન કરવામાં આવ્યું હતું. આ ઉપરાંત, લાયન સિક્યોરિટીઝના સહયોગથી કુડિયા ઘાટ ખાતે એક વિશેષ જાગૃતિ સેશનપણ યોજવામાં આવ્યું હતું.
આ પ્રસંગે પોતાના વિચારો વ્યક્ત કરતાં બિસ્લેરી ઇન્ટરનેશનલના સસ્ટેનેબિલિટી એન્ડ કૉર્પોરેટ અફેર્સના ડિરેક્ટરશ્રી કે. ગણેશે જણાવ્યું હતું કે, ‘વિશ્વ પર્યાવરણ દિવસ પર્યાવરણના સંરક્ષણની દિશામાં પગરણ માંડવાની શરૂઆત કરવા માટેનો એક બિલકુલ યોગ્ય અવસર છે અને આ વર્ષે અમે જે સમુદાયોની સેવા કરીએ છીએ તેના દરેક ખૂણે અમારી ઉપસ્થિતિ અનુભવાય તેવો પ્રયાસ કર્યો હતો.લુધિયાણામાં પ્લોગિંગ અભિયાનોથી લઈને ગુજરાતમાં વૃક્ષારોપણના અભિયાનો અને એકાના વેટલેન્ડ ખાતે આયોજિત જાગૃતિ સેશન્સ સુધી ‘બોટલ્સ ફોર ચેન્જ’ હેઠળની દરેક પહેલ,‘સ્થાયી પરિવર્તનની શરૂઆત પાયાના સ્તરેથી જ થાય છે, એ મુજબની અમારી માન્યતાને પ્રતિબિંબિત કરે છે. પર્યાવરણના સંરક્ષણ માટે અમારી સાથે જોડાયેલા રાજ્ય સરકારના વિવિધ વિભાગો, સંસ્થાઓ, એનજીઓ તથા નાગરિકો પ્રત્યે અમે અમારી કૃતજ્ઞતા વ્યક્ત કરીએ છીએ.’
ગુજરાતમાં ગીર ફાઉન્ડેશનના સહયોગમાં ઇન્દ્રોડાપ્રકૃતિ ઉદ્યાન ખાતે, એસઆરડીસીએલના સહયોગમાં સાબરમતી રિવરફ્રન્ટ ખાતે, કિરણ ફિટનેસ સેન્ટરના સહયોગમાં પાનસર ગામ ખાતે, આરએએફ કેમ્પ કેન્ટોનમેન્ટ તથા એચએનજીયુ પાટણ સહિત પાંચ સ્થળોએ વૃક્ષારોપણ, સ્વચ્છતા અભિયાન અને જાગૃતિ સેશન્સનું આયોજન કરવામાં આવ્યું હતું.આ તમામ કાર્યક્રમોમાં એકંદરે 525થી વધુ સહભાગીઓ જોડાયા હતા, જેમાં વિદ્યાર્થીઓ, સંરક્ષણ કર્મચારીઓ તથા સ્થાનિક સમુદાયોના લોકોએ પ્લાસ્ટિકના પ્રદૂષણને નાથવાની એક સામૂહિક કટિબદ્ધતા સાથે ભાગ લીધોહતો.આ ઉપરાંત, એચએનજીયુ સાથે લેટર ઑફ એસોસિયેશન પર પણ હસ્તાક્ષર કરવામાં આવ્યા હતા, જેના દ્વારા રાજ્યમાં બિસ્લેરીની સંસ્થાગત સહભાગીદારીને વધુ મજબૂત બનાવવામાં આવી હતી.
રાજસ્થાનમાં ગ્રામ ભારતી સમિતિએ 4 જૂનના રોજ ‘બેસ્ટ આઉટ ઑફ વેસ્ટ’ પ્લાન્ટ પોટ-મેકિંગ સ્પર્ધા માટે ‘બોટલ્સ ફોર ચેન્જ’ સાથે ભાગીદારી કરી હતી. ત્યારબાદ 5 જૂનના રોજ જયપુરમાં ‘રન ફોર એ ચેન્જ’ કાર્યક્રમનું આયોજન કરવામાં આવ્યું હતું. આ બંને કાર્યક્રમોમાં એકંદરે 140 સહભાગીઓ જોડાયા હતા.
આ તમામ પ્રયાસો બિસ્લેરીના હાલમાં ચાલી રહેલા ‘બોટલ્સ ફોર ચેન્જ’ કાર્યક્રમનો એક હિસ્સો છે, જે સમગ્ર દેશમાં
1 કરોડથી વધુ લોકો સુધી પહોંચ્યો છે તથા પ્લાસ્ટિકના વર્ગીકરણ અને રીસાઇકલિંગ અંગે જાગૃતિ લાવવામાં મહત્વપૂર્ણ ભૂમિકા ભજવી રહ્યો છે.
== સમાપ્ત ==